ANG PULIS

Ang pulis. Alagad ng batas. Tagapangtanggol ng mamamayan. Tumutupad sa sinumpaang tungkulin. Tapat sa pamahalaan. Kagalang-galang.

Weh? Di nga?

Ang pulis. Ano ba ang buhay ng isang pulis? Ano nga ba ang kanilang mga sinumpaang tungkulin? Paano nga ba maging isang pulis? Kung ako ang tatanungin e madali lang yan:

• TUMAMBAY. Tumanga. Magpalaki ng tiyan. Mas ok kung yung tipong naka-kalso na sa manibela kapag nagmamaneho ka. Yun ang uso e.

• BUSINESS MINDED. Dahil maliit ang sweldo ng isang pulis, dapat matuto kang mag-sideline. Manghingi ka ng lagay. Mangholdap este manghuli ka ng pasaway na driver. Magbenta ka ng baril, bawal na gamot, o kaya naman, makisosyo ka sa mga may-ari ng pasugalan, illegal na sabungan, at mga jueteng operators.

• ALCOHOLIC. Mahilig tumambay sa mga BEERHOUSE kasama ang mga kapwa pulis, gamit ang POLICE MOBILE. Inuubos ang pinagputahan para sa alak at babae. Wag mo nang isipin yung pamilya mo na nag-iintay sa pag-uwi mo, ang importante nag-enjoy ka.

• At syempre, kung bisyo rin lang ang pag-uusapan, mag-DRUGS ka na rin. Shabu, marijuana, cocaine; yan ang paborito nila. Kung wala ka namang budget, pwede na ang cough syrup, rugby, o kaya katol ,sunog na tsinelas, at Vulca Seal, para extreme.

• CRIMINAL MINDED. Kidnapping, rape, murder, smuggling, robbery, extortion, at kung anu-ano pa. Pero syempre, dapat malakas ang kapit mo. Dumikit ka sa mga trapong opisyal ng gobyerno. Sa mga gahaman sa kapangyarian at kayamanan. Katulad ng mga…..uhm…..dating Gobernador ng Ilocos Sur, dating Panggulo ng Pilipinas, dating First Gentleman, dating opisyal ng Maguindanao, atbp.

• TRIGGER-HAPPY. Para saan pa ang baril kung di mo naman magagamit di ba? Pag may hinahabol kang CARNAPPER, barilin mo agad lahat ng kaparehong sasakyan para di ka na mahirapan. Kung buhay pa rin, tuluyan mo na. Kapag nasa HOSTAGE CRISIS, wag mo nang intayin ang order, rapiduhin mo na yung HOSTAGE TAKER. OK lang kahit may madamay na SIBILYAN, ang importante e napatay yung kriminal

• Kailangan din na magaling kang mang-TORTURE. Yung mga nag-eenjoy na manakit ng tao, tulad ng mga RIOT POLICE. Kagaya nung mga TARANTADONG PULIS-MAYNILA nung nakaraang taon nang may mahuli silang HOLDAPER. Hindi para paaminin yung kriminal, kundi para…..wala lang.....trip-trip lang. Mas maganda rin kung may video, para sulit ang kahayupan mo. At kung magreklamo man ang Human Rights Commission, dedma lang.

• Pero ito, ito ang pinaka-importante sa lahat: Dapat mahilig kang kumain ng PANSIT, at dun ka na rin matulog. Bakit? Dahil ang mga pulis ay MAHILIG MATULOG SA PANSITAN. Kaya madalas e sila yung huling dumadating sa crime scene. Kagaya ng mga pulis sa mga action movies nila FPJ, Cesar Montano, at Robin Padilla, lagi silang late kung rumesponde.

O, madali lang di ba? Hindi na kailangan ng training. Kahit sino pwede. Sundin lang ang mga tips na ito at pwede ka nang maging pulis in no time.

Ang akin e opinyon lang naman. Maaaring meron pa ring mga pulis na tapat sa tungkulin, pero para na silang mga African Elephant, ENDANGERED na. Kaya para sa mga mangilan-ngilan, sana po e maibalik ninyo ang tiwala ng mamamayan sa ating kapulisan. Paano? Wag niyong gawin yung mga kabalbalang nabanggit ko.

KUNG MAMAMATAY AKO (repost)

Paano kung isang araw, mabalitaan mo na lang na wala na ako...na patay na pala ako? Paano kung huling pagkikita na pala natin nung huling inuman natin? Paano kung yung huling text message ko sayo ay di na pala masusundan? Paano kung sa pag-alis ko eh di na pala ako babalik...kahit kailan? Paano kung eto na ang huling blog na magagawa ko?Anong gagawin mo? Malulungkot ka ba? Iiyak ka ba sa pagkawala ko? O wala kang pakialam kasi bale-wala naman ako sayo? Sa araw ng burol ko, pupunta ka ba? Pupunta ka ba para makiramay at ipagdasal ang kaluluwa ko? O pupunta ka lang kasi alam mong may inuman? Sa Eulogy ko, anong sasabihin mo? Sasabihin mo ba na "Sayang...mabait pa naman siyang tao". O sasabihin mong "Buti nga sa kanya! Wala siyang kuwenta!". At sa araw ng libing ko, andun ka rin ba? Isa ka ba sa mga bubuhat sa kabaong ko? Isa ka ba sa mga maglalakad sa gitna ng init ng araw hanggang makarating sa simbahan? O makikibalita ka na lang kasi may lakad pa kayo ng BF/GF mo? O di ka pupunta kasi alam mong wala namang inuman pagkatapos? Hanggang dalhin na ko sa huling hantungan...ano kaya ang maaalala mo tungkol sa akin? Malulungkot ka ba dahil wala na ang bestfriend mo? Manghihinayang ka ba dahil di man lang tayo naging malapit sa isa't isa? Maiisip mo ba na sana di ka na lang nakipaghiwalay sa akin, para sana naging mas masaya ako sa mga huling araw ko? Manghihinayang ka ba dahil di mo man lang nasuklian yung pagmamahal ko sayo? Manghihinayang ka ba dahil di mo man lang nasabi na mahal mo rin ako? Maiisip mo ba na sana nung huling beses na nag-inuman tayo, nasabi mo sakin kung gaano ako kahalaga sa buhay mo at kung bakit mo ako itinuring na kaibigan? Maaalala mo ba yung mga araw na magkasama tayo? Sa inuman...kuwentuhan...kulitan...at sa kung anu-anong trip. O baka naman di ka apektado sa pagkawala ko kasi wala naman akong bilang para sayo?

Well, talagang ganyan ang buhay. Sabi nga nila "Pana-panahon lang yan". May mawawala, at may dadating. Sana kung dumating ang araw na kailangan na akong kunin ni Lord, o ng kung sino mang nilalang, malaman ko kung sino yung mga totoong nag-aalala, nagmamalasakit, at nagmamahal sakin. At sana magkita-kita pa rin tayo ulit.....kahit sa kabilang buhay.

Wag kayong mag-alala.....di pa ako mamatay.....MASAMANG DAMO TO! ^_^